Governor Eugenio Jose Lacson nagpahayag nga padayon sya naga laum nga ang coalition sang Love Negros kag United Negros Alliance ang tigayon maka field sang isa ka common candidate para sa gobernador kag bise gobernador sa 2028.
Ini bilang reaksyon ni Lacson nga isa sa mga lideres sang Love Negros, sa naga gwa karon nga mga ngalan para sa gubernatorial race sa 2028.
Ang ngalan ni Second District Representative Alfredo Maranon, III sang United Negros Alliance ang isa sa gina float sa gubernatorial race sa 2028.
Mainit man ang ngalan ni Third District Representative Javier Miguel Benitez.
Suno kay Lacson kun may mga naga gwa man nga ngalan ini ang luyag nila nga ma settle para sa coalition. Yara na karon si Lacson sa iya ikatlo and final term bilang gobernador.
Gina paabot niya ang maga tal-os sa iya ang yadtong naga butang sa mga Negrense nga iya prayoridad. Madamo man suno sa iya sang maayo kag may sarang nga maka padayon sang pag pangalagad.
Ginatunguhaan nga madesisyunan sang coalition ang sitwasyon subong. Pero kun ano gid man, suno kay Lacson sa ulihi mismo ang pumuluyo na ang maga patuman sang desisyon.
[sibwp_form id=1]