Posible suno sa kapulisan nga ginsundan sang suspek ang 36-anyos nga manugbulkit halin sa ila balay sa Barangay 2, Bacolod City antes siya ang gintiro sa dalan Mabini, Barangay 38 sa Bacolod, kaina sang kaagahon.
Nakaangkon sang igo sang bala sa iya dughan kag kilid ang biktima nga si alyas “Andy.”
Ginsiling ni Capt. Francis Depasucat, hepe sang Police Station 1, nagapamulkit sa vulcanizing shop ang biktima kag bag-o lang gid siya nakabalik sa obra sang nagluntad ang pagpaniro.
Nag gwa sa imbestigasyon nga may atraso kag may nakontra ang biktima nga iban nga tawo.
Suno kay Depasucat, wala sang criminal record ang biktima.
Base sa panaysayon sang mga saksi, nakita nila ang suspek nga nagalakat antis gintiro ang biktima kag nagsakay sa motorsiklo.
Nagpasa na ang kapulisan sang request sa mga establishments nga ma-view ang mga CCTV malapit sa lugar agud magbulig sa ila imbestigasyon.