Manug-isda liwat nga nagreklamo sa City Legal Office sang ginkumpiskar ang iya baligya sang Huwebes Santo.
Nagpadulong kaina sa opisina ni City Legal Officer Atty. Romeo Carlos Ting, Jr., ang babaye nga manugbaligya isda agud magreklamo matapos nga liwat nga ginkumpiskar ang iya mga produkto sang katapo sang City Legal Enforcement Team sang Huwebes Santo.
Ginsiling ni Ting nga ang tagreklamo amo man sadto ang nagreklamo kag nag alegar nga ginluto kag ginsud an sang enforcement team ang ila mga baligya nga isda.
Pero ang iya alegasyon ang ginpanginwala na sang enforcement team nga nagsiling nga ang ila ginsud-an ang ila nabakal antes pa sang ginpatuman nga clearing operation.
Ginklaro ni Ting sa tagreklamo nga lehitimo ang pagpatuman sang clearing operation bangud madugay na nga ginadumilian sang siudad ang pagbaligya sang isda sa gwa sang designated fish section nga yara sa sulod sang merkado.
Nanugyan siya sa tagreklamo nga nagakaangay nga magkuha na lang sang pwesto sa merkado tungod may 89 pa ka stall nga bakante.
Ini sa baylo nga manginyawat sa pareho niya mga fish vendor nga lehitimo nga naga negosyo sa merkado.