Pagkatapos ang holiday season naga dagsa sa gihapon ang mga tawo sa Manokan Country sa Bacolod.
Humalin pa sang kagab-i wala sila sang power supply pero naga dagsa sa gihapon ang tawo.
Pero ang supply sang manok limitado lang.
Si Annalyn Bolonia, naga pangita sang iban pa gid nga makuhaan nga supplier. Indi kuno mahatag sang iya supplier ang singkwenta ka dressed chicken sa kada adlaw.
Sa iya original nga supplier gina kuha niya ang manok sa tag siyento otsentay singko ang kilo sa iban ang panguha niya dos siyentos pesos ang kilo. Bisan mahal, gina batuan niya na lang sang sa wala gid siya sang inug baligya.
Si Daday Joyce Rodrigazo naman, native chicken ukon bisaya nga inasal nga manok ang gina baligya.
Pati siya naga batyag man sa kaiwat sang supply bisan pati sang bisaya nga manok.
Dos siyentos ka manok ang iya gina order sa kada semana pero ang masarangan sang iya supplier, isa lang ka gatus. Halin sa dos siyentos singkwenta pesos sa kada isa, subong naga hambuy sa tres siyentos tubtob tres siyentos singkwenta ang kada isa.
Bangud kulang, 45 days na lang nga manok ang iya gina kuha pero yara man ini sa dos siyentos pesos kada kilo.
Gani gikan sa 120, napilitan siya nga pasakaan ang bili sini sa 130 ang bilog. Magluwas sa manok, mahal man ang kalamunding kag luy-a nga gina gamit sa pag marinate.
Naglab-ot sa uno punto tres milyones ka mga broiler nga manok sa Negros Occidental ang napatay bangud sang bagyo nga odette. Gin siling na nga daan sang Provincial Veterinary Office nga sa una nga semana sang Enero mabatyagan ang kakulang sa supply sang manok.