Pagtapna sang kinawatay sang scrap sa daan nga Manokan kag Vendors’ Plaza ginatugyan sa City Legal Office.
May tatlo tanan ka mga kalalakin-an ang ginpangdakop sang katapo sang Police Station 1 sang gin-alegar akto nga madakpan nagapanguha sang mga salsalon kag iban pa nga scrap materials sa gina-demolish nga Vendors’ Plaza kag daan nga Manokan sa reclamation area.
Nagligad pa nga semana sang ginreklamo ini sang pamunuan sang City Engineer’s Office sa kapulisan.
Natungod sang peligro samtang nagapadayon ang demolisyon sa lugar, gintugyan ni Mayor Albee Benitez sa City Legal Office ang paghatag atensyon sa insidente.
Nagligad lang nga tuig sang ginpabantayan sang CLO sa katapo sang Public Order and Safety Office ang lugar bangud gin amat-amatan na sang mga kawatan panguha ang mga panid sang sin kag metal bars samtang wala pa makasugod ang demolisyon sa daan nga mga pasilidad sang siudad.