Miyerkules sang hapon sang gintiro kag napatay ang mangunguma nga si Johnee Montoya sa Brgy. 11, Gawahon siudad sang Victorias.
Suno sa kay Police Lieutenant Colonel Terence Paul Sta. Ana ang hepe sang Victorias City PNP, tatlo ka mga persona ang nagbantay kag nagpalapit sa biktima sa covered court kag gintiro siya sang makapila ka beses.
Suno sa PNP sa inisyal nila nga imbestigasyon, possible may kaangtanan sa away sa duta ang krimen.
May record na abe ang biktima nga pagpatay sa iya utod kag paglabo sa iya himata.
Sa statement ni Ka Cecil Estrella, ang spokesperson sang Roselyn Jean Pelle command sang NPA ila gin siling nga ila gin silutan ang biktima bangud sa pagpatay sa iya sini nga utod.
Gina imbestigahan naman sang PNP ang pag-ako sang NPA.