Pilason ang isa ka persona matapos ginluthang sa Purok Mahogany, Brgy. Tapi, siudad sang Kabankalan, mga las 6:30 sang kagab-i.
Ginkilala ang biktima nga si Dionesio Pantonia, 53 anyos, isa ka mangunguma kag residente sang amo nga lugar. Samtang ginkilala naman ang suspetsado kay Jerry Emia. Suno sa Kabankalan PNP, may nagluntad nga inaway sa tunga sang biktima kag live-in partner sang suspetsado. Sang nag-abot si Emia, hinali niya na lang gingabot ang iya pusil kag gintiro si Pantonia nga naigo sa paa.
Gindala naman isa ka medical facility sa siyudad ang biktima.
Ginalantaw nga away sa duta kag indi pagintyendihanay sa tunga sang biktima kag suspek ang motibo sa krimen. Nagpalagyo naman ang suspetsado.