Patay ang mangunguma nga si Glenn Panganiban matapos gintiro sang iya man lang bayaw nga si Glenn Sedayon sa Barangay Tampalon sa Kabankalan City.
Sa imbestigasyon sang Kabankalan City PNP, yara sa impluwensya sang makahulubog nga ilimnon ang biktima sang ginatinghuaan sini nga atakehon ang suspek.
Naglalisay ang suspek kag biktima sang hinali nalang ang suspetsado nagkuha sang pusil kag ginpalupok ini nga nagresulta sa pagkaigo sang biktima sa paa.
Gilayon nga nalagyo ang suspek kag gintinguhaan nga dal-on sa hospital ang biktima apang gindeklara ini nga dead on arrival.
Padayon pa ang imbesyigasyon sang kapulisan kag pursuit operation batuk sa suspetsado.