Nasapwan nga patay ang isa ka 42-anyos nga lalaki kag may mga pilas tuga sang pag panglabo sa Sitio Calapayan, Brgy. San Rafael banwa sang Hinoba-an sang Domingo sang hapon.
Suno sa kay Police Major Jaynick Bermudez ang hepe sang Hinoba-an PNP, nasapwan sang mga kabataan nga naglabay sa lugar ang bangkay ni si Ronald Alegado, kag may mga pilas ini sa hawak kag ulo tuga sang pag panglabo.
Dugang pa sang pulis, papuli na ang biktima sakay sa iya nga motorsiklo kag paglab-ot sa taklaron kag bato-batohon nga dalan may nagpalapit kag naglabo sa iya sandig sa panaysayon sang mga saksi.
Suno sa PNP posible may kaangtanan sa away sa duta ang motibo sa krimen kag ang biktima ginpasakaan sang kaso nga illegal possession of firearms.
Nagapadayon ang imbestigasyon ang PNP sa sini nga kaso.