Patay ang 43 anyos nga si Dionie Dada nga isa ka mangunguman matapos ini tiruhon sa iya mismo nga payag sa Barangay Bandila sa banwa sang Toboso sang Martes.
Suno sa Toboso PNP, sa pag pauli sang biktima yara na ang tatlo ka armado nga persona sa iya sini gina tiniran nga payag nga naga hulat sa iya.
Nag tinguha pa magpalagyo suno sa pulis si Dada pero siya ang gin tiro na sang makapila ka beses sang mga suspek.
Dugang pa sang pulis, wala man sang record sa PNP ang biktima gani ila pa gina usisa kun ano ang motibo sa pag patay sa iya kag kun may nakaaway ini nga mga persona.