Nagapangisda ang 48-anyos nga lalaki sang maigo sang kilat sa baybayon sang Purok Banagan sa Barangay Tomongtong, EB Magalona, mga las 3:30 sang hapon sang Biyernes sang hapon.
Gindala ang mangingisda sa ospital apang gindeklarar nga dead on arrival. May mga sunog sa iya nga ulo ang biktima.
Ginsiling ni Police Capt. Gian Carlo Mania, hepe sang EB Magalona PNP nga mabaskog ang ulan sang nagluntad ang insidente.
Sadto nga tion, may iban man nga mangingisda ang yara sa lawod apang ang biktima lang ang naigo sang kilat, suno sa hepe.
Ini ang una nga beses sini nga tuig nga may napatay sa EB Magalona bangud sa igo sang kilat.
“Paalala lang po natin sa mga mangingisda po dito na pag may ganito pong malalakas na pag-ulan at pagkidlat, sana po maiwasan muna po natin yung pagpalaot para maiwasan po natin yung ganitong insidente”, suno kay Mania.
[sibwp_form id=1]