Nagapanagat ang tatlo ka mga lalaki sa baybayon sang Doong, Bantayan, sakop sang probinsya sang Cebu sang nagpangilat, Lunes nga adlaw, Hunyo 15.
Naigo sang kilat kag napatay si alyas “Reymark”, 19-anyos, taga Barangay Washington sa Escalante City.
Nakaangkon naman sang gamay nga paso sa alatrasan ang kapitan sang pumpboat nga si alyas “Dindo”, 42-anyos. Wala naman ma-ano ang isa pa ka mananagat nga si alyas “Rodjan”, 19-anyos.
Bangud sa kilat, nabuslot ang sa tuo nga bahin sang pumpboat kag napihak ang marine plywood nga ginapungkuan ni alyas “Reymark”.
Gindala na sa punerarya ang bangkay sang napatay nga mananagat.*
[sibwp_form id=1]