Isa ka 52 anyos nga mangingisda ang gin-report na-missing matapos gin-alegar mahulog gikan sa pump boat samtang yara sa kalalawran sang Barangay Daug, Hinoba-an sa Negros Occidental sadtong Oktubre 12.
Suno sa pulis ang na missing ginkilala kay Elino Anunsawon Sr., pumuluyo sang Purok 3, Barangay Culipapa, sa amo nga banwa.
Mga himata sang biktima ang nag-report sang insidente sa Hinoba-an Municipal Police Station sang October 16, matapos ang pila ka adlaw sang pag pangita sa iya.
Suno sa report sang pulis, si Anunsawon kag isa ka pump boat operator ang nag padulong sa Bolila Island sa Brgy. Asia sa sina nga adlaw para mag kaayo sang katig sang ila nga sakayan.
Pag katapos sini ang duha ang gin-report nag inom-inom antes mag pauli mga las 7 sang gab-I.
Kag samtang pabalik na sa Barangay Culipapa, ginsiling sang operator nga si Anunsawon, nga naga higda sa atubang nga bahin sang sakayan kag gina alegar nga hubog na ang nag patakilid rason nga aksidente siya nahulog sa dagat.
Gintinguhaan siya pangita. Iya man ginpahibalo ang mga himata sang biktima kag mga barangay officials nga naghinyo man sang bulig sang Philippine Coast Guard.