Magapabilin ang mandatory nga pag gamit sang face mask sa mga talatapan sang gobyerno probinsyal.
Ini suno kay Negros Occidental Governor Eugenio Jose Lacson nga nagsiling nga ini ang iya nga iga lakip sa executive order nga iya ipapanaog angut sa pagpabilin sang probinsya sa Alert Level 2 sumugod Nobyembre uno tubtob kinse base sa gin pa gwa nga mando sang Department of Health.
Bisan pa nga voluntary na ang pag gamit sang facemask sa outdoors kag indoors nga naga lakip sang exceptions, naga pati si Lacson nga may autonomy ang mga local government unit gani sarang mapatuman ang mandatory nga pag gamit sang facemask sa mga provincial government offices.
Naga saka panaog ang kaso sang Covid sa probinsya. Sa November 1 nga report sang Provincial Incident Management Team, 140 ang active Covid cases.
Kun ipaanggid naman sa nagliligad nga bulan, suno sa goberndor sumugod sang bulan sang Oktubre tubtob sa karon mataas ang occupancy rate sa Cadiz District Hospital nga amo ang Covid designated hospital.
Masobra sa 80 ka Covid beds ang nagamit pero sarang naman ini ma-expand tubtob sa 100.