Temporaryo nga gin-suspend ang mandatory PMVIC testing.
Suno kay Reuben Tampos ang pamuno sang Land Transportation Office sa Bacolod, sila ang nakabaton sang instruction gikan sa regional office angut sa temporary suspension sang mandatory nga testing sang light vehicles kag mga motorsiklo kag tricyle sa Private Motor Vehicle Inspection Center ukon PMVIC.
Gani, nagakasayuran nga maga balik anay sa daan nga mga paagi, ukon sarang naman liwat maka pa inspect sa mga Private Emission Testing Center ukon PETC.
Pero, paathag ni Tampos, padayon nga maga operate ang PMVIC kag sarang lang sa gihapon maka pa inspect ang mga luyag nga mag pa inspect sang ila nga salakyan didto.
Suno kay Tampos pwede sila makabaton sang mga test results gikan sa PMVIC ukon sa mga PETC sa mga maga pa renew sang ila nga registration sa salakyan. Maga padayon ang suspension sang mandatory testing tubtob nga may abiso naman sa pagbalik sini.