Mandatory nga pag gamit sang face mask sa sulod sang mgagovernment offices sang Cadiz City ang ginpatuman.
Sa Executive Order nga gin pa gwa ni Mayor Salvador Escalante, Jr., kahapon, Abril 17, gin mando ang pag gamit sang face mask sang mga government employees kag mga kliyentesamtang yara sa sulod sang mga government offices.
Maga pangatubang sang naga kaigo nga administrative ukon criminal sanction ang maga supak sini.
Paathag ni Mayor Escalante, tuyoniya nga mapangapinan ang ikaayong lawas sang tagsa-tagsalabi na karon nga iya namutikan ang pag pinagusto sang publikoapsar nga yara sa gihapon ang Covid – 19.
Indi man mapat-od sakaron ang kadamuon sang kaso sang Covid-19 bangud wala man sang intensive na nga monitoring ukon swabbing, pero dapatmahangpan sang tanan suno kay Escalante nga dapat mag halong bangud yara sa gihapon ang Covid – 19.
Sa Cadiz City Hall may isa ka department head ang nag positive sa Covid – 19.
May isa pa gid ka department head man sang National Agency ang nag positibo sini lamang.
Ini sila ang naglain pamatyag, nag ubo, kataro kag hilinat kag nag positibo sa antigen test.
“Ang aton nabal-an duha lang (ang nag positive). May ongoing pa to ngacontact tracing sa office nila. Siempre gina bantayan kun sin-o da ang ga ubo-ubo. Ipa antigen test lang”, suno kay Escalante.
Panugyan naman ni Escalante nga mas maayo mag gamit sang face mask kun yara sa public places labi na ang mga senior citizen kag may mga co-morbidities.