Masobra sa 600 pa ka pulis nga non-commissioned officers ang ipaidalom sa mandatory drug test sang Bacolod City Police Office.
Suno kay Colonel Noel Aliño, OIC sang BCPO, ilakipman sa drug test ang mga non-uniformed personnel nga mga job order workers nga naga trabaho sa police headquarters.
Kabahin ini suno sa iya sang pagpasiguro nga wala sang personnel nga may kahilabtanan sa iligal nga droga.
Ginsuguranna sadto nanday Aliño kag sang 46 pa ka mga police officers ang pagpa drug test kag negatibo ang resulta sang test.
Nagpaandam si Aliño nga indi siya magduha-duha nga i-restrict kag dis-armahan ang pulis nga magpositibo sa drug test kagsunod nga pasakaan sang kaso.