Nasapwan nga wala na sang kabuhi ang mananagat nga si Jesus Sevillono kahapon sang aga sa sulod sang tricycle sa Barangay Punta Salong sa banwa sang Manapla.
Suno sa PNP, sa tricycle gin patulog sang iya mga kaingud si Sevillono bangud sa tuman ini kahubog nga nag pauli sang Lunes sang gab-i.
Wala na ini maka bugtaw pa sang kahapon sang aga. Pahayag ni Major Jaynick Bermudez, hepe sang Manapla PNP, ila gin paidalom sa autopsy ang bangkay sang biktima agud mahibaluan ang iya sini gin kamatay.
May nakaaway abi sang Lunes si Sevillono kag nasumbagan ini.
Kun mapamatud-an nga may kaangtanan ang pag sumbag sa iya sa iya sini kamatayon, pasakaan sang kapulisan sang kaso ang nag sumbag sa biktima.