Tubtob subong, padayon nga ginapangita ang isa ka mangingisda nga nadula sa baybayon sang Barangay Old Sagay, syudad sang Sagay, Negros Occidental.
Base sa impormasyon, namukot ang 30-anyos nga mangingisda sadtong Miyerkules kag sang wala pa siya makapauli kagapon, Hwebes, ginpakamaayo sang iya bayaw nga mag-report na sa Coast Guard.
Ginsiling ni Jorge Cabalag, operations and warning officer sang DRRMO-Sagay, mga las 3 Huwebes sang kaagahon ulihi nga nakit-an ang biktima nga nagapangisda.
Nakit-an ang bangka sang biktima sa bahin sang Barangay Suyac.
Nagaisahanon ang biktima nga nangisda. Residente siya sang Purok Crotons sa Brgy. Old Sagay.
Suno kay Cabalag, may kabaskugon gid man ang hangin sa Sagay sadtong Huwebes nga adlaw.
Ginpabalo na sang Coast Guard ang ila mga counterparts sa Iloilo kag mga kaiping nga lugar angut sa nadula nga mangingisda sa Sagay.
