Kaina sang aga sang gin-report sa San Carlos PNP nga gin-ransack ang Gaisano mall sa Barangay Palampas, San Carlos City.
Suno kay Lt. Col. Nazer Canja, hepe sang San Carlos Police, las 8 kaina sang aga sang natukiban sang mga empleyado nga ginsulod sang kawatan ang mall bangud ila nga naabtan nga buka na ang glass wall sang isa ka botika kag mga nagakinay-ag nga mga kagamitan sang mall pati na ang isa ka jewelry shop kag kaha sang cashier.
Suno sa PNP posible isa ka grupo ang nagsulod sa mall pinaagi sa pag agi sa dalom sang salog pinaagi sa pagkutkot sang tunnel.
Sa karon nagapadayon ang imbestigasyon sang kapulisan.
Gina lantaw man sang pulis kun bala ini man sila ang nagtuyo nga mag sulod sa super market sa Barangay Sum-ag sa Bacolod pinaagi man sa pag-agi sa drainage system.