Luyag ni Negros Occidental Governor Eugenio Jose Lacson nga mapasiguro ang malinong kag matawhay nga piniliay sini nga Mayo.
Ini ang iya nga gin padangat sa bag-o nga pamuno sang Police Regional Office – Negros Island Region kasunod sang courtesy call ni B/Gen Arnold Thomas Ibay sa iya kaina sang aga.
Sa interview sang media kay Ibay iya ginsiling nga nabaton niya naman ang hinyo sang Negros Oriental nga mga 300 ka pulis may kaangtanan sa eleksyon.
Ila pa nga tun-an ini agudto suno sa iya naga kaangay kag balanse ang deployment para tigayon ma cover ang mga security concerns sa gina paabot nga piniliay.
Mahimo man nga mag request sila gikan sa Philippine Coast Guard kag Philippine Army sa pag augment kun kinahanglan.
Magasapol pa sila sa COMELEC man para talakayon ang peace and order situation sang kada lugar kag banwa kag diri naman mapat-od ang deployment sang PNP personnel.
Sa latest nga ginpagwa nga pahayag sang COMELEC ang Guihulgan City kag La Libertad sa Negros Oriental ang gin classify nga red category sang Committee on Gun Ban and Security Concerns.
Ang red category nagatumod sa mga lugar nga may yara sang grave concern kag may mga factors kaangay sang history of election-related incidents sa nagligad nga duha ka election, possible employment sang private armed groups, kag pagkatabo sang election-related incidents kag serious armed threats.
Sa pihak nga bahin, sa karon kay nagsugod na abot ang mga automated counting machines, sila ang nag deploy na sang ila nga personnel sa para sa seguridad sini.