Ginpatigayon sang kapulisan sa syudad sang Bacolod ang tatlo tanan ka buy-bust operations nga nagresulta sa pagka-recover sang P32.9M nga balor sang ginasuspetsuhan shabu, Domingo nga adlaw.
Natigayon ang una nga buy-bust pasado las dos sang kaagahon sa Brgy. Estefania, kun sa diin gindakup sang katapo sang City Drug Enforcement Unit si alyas Drake, nakuha sa iya ang 2.5 kilos sang suspected shabu nga ginabulubanta 17 milyones pesos ang balor.
Matapos ang isa ka oras, gindakup sang katapo sang Police Station 2 si alias Robert matapos ini ang gin-alegar nagbaligya sang iligal nga droga sa Purok Lampirong, Barangay 2 sa Bacolod.
Nakuha sang kapulisan sa iya ang napulo tanan ka sachets sang ginasuspetsuhan shabu nga may kabug-aton nga 1 ka kilo kag ginabulubanta nagabalor P6.8M
Domingo sang hapon naman sang nadakpan si alias Cherry sang Jaro, Iloilo matapos gin-alegar nag-transaksyon sa isa ka poseur-buyer sa isa ka motel sa Barangay Singcang-Airport.
Nakuha sa iya ang kapin 9.1 milyones pesos nga balor sang ginasuspetsuhan shabu, digital weighing scale kag boodle money.