Shadow

Malapit sa P2M nga balor sang iligal nga droga nakuha sa separado nga mga buy-bust sa Bacolod

BCPO photo

Malapit duha ka milyon ka pesos nga balor sang iligal nga droga na recover sa tatlo ka separado nga buybust operation sa Bacolod.

Masobra isa ka milyon ka pesos nga balor sang iligal nga droga ang na recover sang City Drug Enforcement Unit kaina sang kaagahon sa buybust operation sa Purok Neptune, Brgy Singcang Airport.

Subject sang buybust ang 25 anyos nga si Gerald Barillo nga isa ka high value individual.21 ka sachet sang suspected shabu ang nakuha sa iya nga nagabalor 1,394,000 pesos.

Samtang, arestado man ang isa ka teenager kahapon matapos makuhaan sang 20 gramos sang suspected shabu sa buybust operation sa Henrietta Village, Barangay Singcang.

Ang suspek amo ang 18 anyos nga si Kingsley Divinagracia nga gina kabig runner sang isa ka drug personality sa barangay.

136,000 pesos ang ginabulubanta balor sang iligal nga droga nga nakuha kay divinagracia. 374,000 pesos naman nga balor sang ginapatihan shabu ang na recover sang Martes sang kapulisan sa buybust operation sa Purok Sigay, Barangay 2.

Subject naman sang amo nga buybust ang 46 anyos nga si Mariabel Canlas.

Kaso nga paglapas sa RA 9165 ang atubangon sang mga gin dakop.

Secured By miniOrangeSecured By miniOrange