Arestado ang 20-anyos nga lalaki matapos makuhaan sang suspected shabu nga nagabalor P884,000 sa ginpatigayon nga buy-bust operation sa Purok Kabuhi, Barangay 10 sa syudad sang Bacolod, kaina Miyerkules sang aga, Agosto 6.
Sa report sang Bacolod City Police Office, kapin sa 130 grams ka ginasuspetsuhan shabu ang nakuha sang katapo sang City Drug Enforcement Unit halin sa subject.
Ginakabig nga high value individual ang gindakup.
Kaso nga pagpabaligya kag paghupot sang iligal nga droga ang paga-atubangon sang nasambit nga drug personality.
