Masobra sa 922,000 nga balor sang poultry kag poultry products ang na intercept sang Provincial Veterinary office sa nagligad nga semana.
Sa April 16 to 22 nga report sang Provincial Veterinary Office, nalakip na diri ang 13,000 heads sang day old chicks gikan Bukidnon nga na intercept sa checkpoint sa Kabankalan City.
Suno kay Dr Renante Decena ini ang gin ship balik sa place of origin.
Nalakip man sa report ang gin confiscate nga mga balut nga gin-hand carry.
May tatlo man ka inugbulang nga manok gikan sa Bayawan City sa Negros Oriental nga naga balor sang 10,000 pesos ang gin-confiscate.
Gin-alegar gin gulgulan liog ang mga manok sang tag-iya sini matapos wala gintugutan ang pagsulod sini sa boundary sa Negros Occidental suno kay Decena.
Paathag ni Decena sa Executive Order, wala gina tugutan ang pagsulod sang buhi nga mga manok sa Negros Occidental, pero sarang naman maka ship out ukon makapadala sang buhi nga manok pa gwa sa probinsya.
Ini sa tinutuyo nga mapangapinan ang Negros Occidental kontra bird flu.
Sang kagab-i lamang sa Bredco Port man, may 50 ka gamecocks ukon inugbulang nga manok ang wala gintugutan kag ginpabalik man suno kay Decena.
500,000 pesos ang bili sang amo nga shipment.
“Bawal na ya, kay nabutang sa aton nga EO nga no entry. Kun live. Kagab-i the same man. May 50 man kami nadakpan sa ano (Bredco) ginpabalik namon sa Iloilo”, suno kay Decena.