Malapit isa ka milyon ka pesos nga balor sang iligal nga droga, narecover sa separado nga buybust operation kagab-i sa Bacolod kag Silay.
Kinse ka bulto sang gina suspetsahan shabu ang na recover kagab-i sa buybust operation sang PNP sa Barangay Rizal siyudad sang Silay.
Subject sang buybust ang 34 anyos nga si Helmar Bituon nga naga trabaho man sa barangay.
Ginabulubanta nagabalor sa 510,000 pesos ang nakuha nga shabu kay Bituon.
Samtang, 408,000 pesos naman nga balor sang iligal nga droga ang na recover sang kapulisan sa isa man ka buybust operation kagab-i sa Barangay 27 sa Bacolod.
Subject naman sang buybust ang 54 anyos nga si Rowena Salmingo nga nadakop na sadto bangud sang iligal nga droga.
12 tanan ka sachet amo ang nakuha sa iya.
Detained na karon ang mga gindakop kag kaso nga pagsupak sa RA 9165 ang ila pangatubangon.