Malapit sa 5,000 ang delegation nga gina paabot sa masunod nga semana para sa Western Visayas Regional Athletics Association Meet nga paga hiwaton diri sa Negros Occidental.
Ini ang naga lakip na sang mga humalampang, mga coaches, assistant coaches, chaperone gikan sa anum ka probinsya kasubong man regional office personnel.
Suno kay Hernani Escullar, DepEd Western Visayas Spokesperson, sang nagligad nga semana, gin patigayon ang pagsinapol kun sa diin gintalakay ang mga contingency plans lakip na ang pag check sa mga playing venues.
“Last monday naghiwat man kita sang meeting diri sa regional office Ang aton sini regional management team agud for the last time makita naton how ready are we in the counduct of WVRAA kag didto nakita nga ready na gid ang tanan kag properly coordinated na. We will be there on April 29 agud sini we have time to check ang aton sini na preparations especially sini sa Paanaad Stadium kay dira ang bulk sang aton sporting activities”, suno kay Escullar.
Ang mga eskwelahan naman nga maga serbe nga billeting areas ang gina pasiguro nga may naka plastar nga seguridad kaangay sang pulis kag barangay peace keeping force, may nagakaigo nga supply sang tubig kag dapat properly ventilated. Suno kay Escullar may masobra sa 30 ka sport events nga pakigbahinan sang mga atleta.
May 2 tubtob 7 ang Regional Meet nga gina host sang Negros Occidental Bacolod City Division.