Nagapabilin sa gihapon sa Alert Level 2 ang bulkan Kanlaon.
Sa nagligad nga 24 oras nga monitoring sang PHIVOLCS may napulo ka mga volcanic quakes sa bulkan, 2,983 ka tonelada sang sulfure dioxide ang gin buga sang bulkan.
Ginakabig ini sa gihapon nga mataas sang PHIVOLCS bangud sa normal nga inadlaw yara lang ini sa 300 toneladas.
Yara sa 300 meters ang kataason sang steam gikan sa bulkan kag padayon ang ground deformation sa idalom sang bulkan.
Estrikto nga ginapatuman nga wala sang may maka sulod sa 4km permanent danger zone sa Kanlaon kag indi sa gihapon pwede makalupad ang ano man nga aircraft malapit sa ibabaw sang bulkan.
Posible sa gihapon ang steam ukon phreatic explosion sa Kanlaon.
June 3 sang ulihi nga nag lupok ang bulkan.