Natapos na ang construction sang apat sa 25 ka Yuhum Housing Village nga ginatukod sa Barangay vista Alegre.
Gani gin-anunsyo ni Mayor Albee Benitez nga sa Disyembre natalana ang pag-turn-over sang 296 tanan ka mga housing units.
Ini matapos man nga gin-aprobahan sang Pag-ibig Fund ang application sang mga housing beneficiaries.
Nauna ang Bacolod sa pagpatuman sang Pambansang Pabahay Program para sa Pilipino paagi sa joint venture agreement kaupod sa Department of Human Settlement and Urban Development.
Ang 296 ka mga housing units ang kabahin lang sang masobra 4,000 ka mga units sa Arao residences.
Tuyo sang Benitez administration nga magtukod sang kapin 10,000 housing units para sa mga informal settler families kag sa nagahandom makabalay paagi sa pabahay program.
Nalakip sa plano nga tukuran sang Yuhum Housing Villages ang Barangay Banago kag Bredco area.