Masobra sa 40 million pesos ang ginpa-in sang Department of Social Welfare and Development para sa ayuda sang 9,617 ka mga tricycle drivers sa siudad sang Bacolod nga natalana nga sugdan Abril 8 tubtob Abril 10.
Ang tagsa ka drayber nga gin-qualify sang DSWD ang makabaton sang 5,000 pesos bilang bulig sa ila kabudlayan bangud sa padayon nga pagsaka sang presyo sang gatong. Ini ang ihatag sa idalum sang Assistance to Individuals in Crisis Situation nga prorama sang DSWD.
May apat ka venue nga ginhanda ang siudad agud mangin tayuyon ang pagpanagtag sang ayuda. Ini ang patigayunon sa SM City Northblock, Ayala Capitol Central, Bacolod Arts Center sa Bacolod City National Highschool, kag sa Activity Center sang Bacolod City College.
Ginsiling ni Richelle Verdeprado Mangga, pamuno sang DSSD nga tanan nga nag apply nga drayber sa siudad ang tigayon nga nakasulod sa listahan sang DSWD.
Suno naman kay Mayor Greg Gasataya, magabutang sila sang help desk sa tanan nga venues kag sa lobby sang Government Center agud mag-assist sa mga drayber nga may kabudlayan sa pagpangita sang ila ngalan.
Panugyan man sang alkalde sa mga drayber, nga likawan ang pagkadto sa venue kun wala pa ang ila schedule. Padayon nga ginatawagan sang DSSD ang tanan nga mga drayber agud maghatag sang ila schedule sa payout.
[sibwp_form id=1]