Shadow

Malapit P900,000 nga balor sang iligal nga droga na-recover sa separado nga buy-bust operation sa Bacolod

Masobra tunga sa milyon ka pesos nga balor sang iligal nga droga ang na recover sa buy-bust operation kagab-i sang City Drug Enforcement Unit sa Estancia Subdivision sa Barangay Mandalagan sa Bacolod City.

Arestado sa buy-bust ang 44 anyos nga si Rowena Ponce kag 32 anyos nga si Alter Hernaez.

Isa ka plastic bag kag 9 ka sachet sang suspected shabu ang na recover sa ila.

Kagab-i man nadakpan sa buy-bust operation sa Purok Kahirup Barangay Singcang-Airport ang subject nga si Hector Deximo.

Suno sa pulis naga baligya sang isda sa Talisay City si Deximo apang sa Bacolod, shabu amo ang iya ginaduso.

340,000 pesos nga balor sang iligal nga droga ang nakuha sa iya.

Detained karon ang mga suspek kag kaso nga paglapas sa RA 9165 ang ipasaka batuk sa ila.

Secured By miniOrangeSecured By miniOrange