Tourist receipts sang 2022, ukon ang tigayon nga naganar gikan sa mga overnight tourists sa probinsya ang nagdangat sa malapit 6 billion pesos.
Ini suno kay Provincial Tourism Officer Cheryl Decena nga nag siling nga ang malapit sais bilyones pesos nga tourist receipts sang 2022 ang naga tumod sa kabilugan nga naganar gikan sa mga turista humalin sa accommodation kasubong sa hotels, restaurants, padulong sa transportation kag iban pa nga mga services nga gin avail sang mga bisita.
510,022 ang overnight tourists sang 2022, 63.69 percent nga mas mataas sang sa 2021 nga overnight tourists nga 311,577.
Ang target sa amo nga tuig nga 350,000 suno kay Decena ang nalapawan.
Sa 2023, 600,000 ang target sang probinsya base sa gin set sang Department of Tourism.
“We are placing a more heavy weight on overnight tourists, because this is where we get out tourist receipts. Meaning the more they spend overnight, their stay in the accommodation, the more they get to spend, support local business enterprises, small communities”, suno kay Decena.
As of May 2023, 115, 248 pa lamang ang na record nga kadamuon sang overnight tourists.
Suno kay Decena ang datus partial pa lamang bangud may mga LGU pa nga wala naka update sang ila nga datus.
Positibo si Decena nga malampuwasan man nila ang target. Mga tourism sites sa coastal areas, farm tourism sites kag bisan pa mga cultural sites ang patok ukon ang masami nga gina kadtuan.
8 to 10 percent sa mga turista mga dumuluong ukon foreigner. Mayoriya mga domestic tourists.