Nakuha sa mag-utod nga Nasif kag Sadik Amer kag tatlo pa nila ka mga kaupdanan ang malapit isa ka milyon ka pesos nga balor sang smuggled nga sigarilyo sa Public Market sang Prk Malipayon, Brgy. Makiling, siudad sang Sagay sang Sabado.
Naka palagyo ang tatlo ka mga kaupdnan sang mag utod nga ginkilala lamang kay alias “Ben”, alias “Ricky” kag alias “Panta”.
Suno kay Police Captain Reynaldo Bauden, hepe sang Bacolod City Maritime Police station, paagi sa gintingub nga pwersa sang PNP Special Operation Unit, Sagay City PNP, Bureau of Customs 6 kag Bureau of Internal Revenue, naaresto ang mag-utod matapos madakpan sa akto nga nagbaligya sang smuggled kag counterfeit cigarette brands.
Nakuha sa ila sang otoridad ang 1,634 ka ream sang nagkalain-lain nga brand sang smuggled nga sigarilyo nga nagabalor 960,980 pesos.
Ang mag utod nga Amer kag ang tatlo pa nila ka mga kaupdanan ang nagapangatubang sang kaso nga paglapas sa R.A. 10863 ukon Customs Modernization and Tariff Act kag Intellectual Property Act.