Gobernador naga abi-abi sang pag approve sa senado sa second hearing sang Negros Island Region Bill.
[embedyt] https://www.youtube.com/watch?v=g5lSarR2L88[/embedyt]Sa mensahe ni Governor Eugenio Jose Lacson sa media, iya ginsiling nga ang approval sa second hearing sang hagna nagakasayuran nga mas naglapit na ukon “a step closer” sa pag tukod sang NIR. Maayo naman ini nga balita suno kay Association of Chief Executives President, Victorias Mayor Javier Benitez. Nagalaum siya nga matigayon na ini pasar sa senado kag tigayon nga malagdaan ni Presidente Ferdinand Marcos, Jr. para ini tigayonn nga mangin layi.
Gin-aprobahan ang senate bill no 2507 ukon ang Act Estrablishing the Negros Island Region sa second reading. Gin siling ni Senate President Juan Miguel Zubiri, Principal Author kag co-sponsor sang hagna, nga para sa iya mga kasimanwa sa Negros Occidental, Oriental kag Siquijor, temprano nga nag abot ang paskwa para sa ila. Kinahanglan pa masapar ang hagna sa third ang final reading antes magdangat sa presidente para malagdaan. Suno kay Senador JV Ejercito nga nag sponsor sang hagna, gina pasiguro nila nga ang bill mangin acceptabe sa executive department para indi ma veto sang presidente. Sang Miyerkules gin patigayon ang plenary session para diri.
Sa NIR maga isa ang Negros Occidental kag Oriental, kag Siquijor. Ini ang naga tuyo sa pag pasanyog sang delivery sang basic government service sa mga pumuluyo.