Probinsya sang Negros Occidental ang naga pangaman sa gina paabot nga ‘super El Niño’ nga gina lantaw sugod nga mabatyagan sa bulan sang Oktubre.
Sa 3rd quarter Provincial Disaster Risk Reduction Management Council meeting suno kay Negros Occidental Governor Eugenio isa ini sa ila nga gintalakay.
Bilog nga probinsya sang Negros Occidental ang gina forecast nga ma-igo sang El Niño. Sa karon gina siling nga ang banwa sang Hinigaran may report nga nagbatyag na sang epekto sang El Niño, bagay nga suno kay Lacson ila pa nga iga-verify.
Ang makusog nga El Niño tubtob sa una nga quarter sang 2027 pero mahimo man nga mag lawig pa gid ini.
Maga sapol pa ang probinsya para sa mga tikang nga ipatuman para mahandaan ang epekto sang El Niño.
May nagakaigo pa nga Quick Response Fund ang Negros Occidental nga sarang magamit.
Suno kay Lacson sa P110.5 million nga QRF may P109 million pa nga bilin.
Samtang, ang 5% nga PDRRM fund para sa 2027 ang nagdangat sa P411 million. 70 percent sini ukon P287.7 million ang napain para sa programs, projects kag activities.
P123.3 million naman ang Quick Response Fund ukon ang 30 percent sang PDRRM Fund.
[sibwp_form id=1]