Maid-id nga inspection sa mga commercial establishment nga nagakuha sang permit ginapasalig sang bag-o nga city fire marshall sang Bacolod.
Opisyal na nga nagserbe si Fire Supt. Jenny Mae Masip bilang City Fire Marshall sang Bacolod Bureau of Fire Protection.
Si Masip nga anay deputy fire marshall sang Negros Occidental BFP amo ang nagtal-us kay Fire Chief Inspector Stephen Jardeleza nga natalana maga retiro sa Disyembre.
Si Jardeleza ang temporaryo magaserbe bilang Provincial Deputy Fire Marshall sang Iloilo Province BFP.
Ginpahayag ni Masip nga kabahin sa mga tikang nga ila ipatuman ang mas maid-id nga inspection sang mga commercial establishment nga nagakuha sang fire safety inspection certificate kabahin sang requirement sa pagkuha sang business permit.
Ini kasunod man sang reklamo sang anay konsehal sa isa ka baligyaan litson sa Barangay Villamonte naka-operate sang tinalikdan nga tinuig.
Nagligad lang nga semana sang ginpasirad-an sang City Legal Office Enforcement Team ang amo nga baligyaan kag ang lima ka kaiping pa nga kalan-an bangud wala sang business permit.