Bulan pa sang Abril sang naga pulaw bugtaw si Joseph Cuadra sang Barangay Mandalagan para lang makasalod sang malimpyo nga tubig.
Pero asta karon nagalibog ang iya ulo kun paano makagawi ilabi na nga nagapabilin nga kolor ice tea ang supply sang tubig sang Baciwa Primewater.
Kasubong man nga mahigko nga tubig ang naga gwa sa gripo sang mga taga Buena Park Subdivision sang nagligad nga inadlaw.
Halin sa color iced tea, nangin tsokolate na.
Amo man sini ang sitwasyon sang taga Barangay Pahanocoy nga nag send sang sini nga video sang ila water supply.
Sa advisory sang Baciwa Primewater, masami apektado ang supply sang tubig kun may brownout, leakages tuga sang illegal connection kag maintenance activities kasubong sang regular
flushing activities agud mapasiguro nga magtayuyon ang supply sang tubig.
Suno kay Baciwa General Manager Mona Dia Jardin ila pa nga usisaon ang status sang water supply sa mga gina reklamo nga mga barangay.
Naistoryahan man suno sa iya sa pagsinapol sang katapo sang Baciwa Board of Directors ang paghatag atensyon sa turbid water sang Baciwa-Primewater.
Damlag pa ginsiling na ni Mayor Albee Benitez sa iya nga inauguration nga iya paga tutukan ang iced tea nga water supply sa Bacolod.
Ang Bulk Water project sang Baciwa nga indi magamit bangud sang problema sa right of way pero iya na nasugilanon ang alkalde sang Murcia kag naga laum siya nga sa indi madugay mabuligan sang alkalde ang amo nga problema.
Magapangita pangita pa gid siya sang iban nga water source para sa Bacolod.