Puno sang pilas ang guya pati na ang liog sang 62 anyos nga si Melquizidict Baroy matapos ini gin labo labo sang iya hinablos sang Lunes sa Barangay Bago sa Don Salvado Benedicto.
Ang suspek amo si Eddie Mar Baroy. Sa imbestigasyon sang PNP, yara lang sa ila uma ang mag yito sang hinali na lang sila nga mag baisay. Away sa duta ang gina lantaw nga ugat sang away suno sa PNP.
Didto na nag lab-anay ang magtiyo kun sa diin napatay sang hinablos ang tiyo sini nga madamo sang pilas sa ulo kag liog tuga sang pag pang labo.
Pilason man ang suspek sa pag panglabo kag karon gina bulong sa ospital.