Friday, November 20

Magnitude 4.3 nga linog sa Iloilo, nabatyagan sa Bacolod City

Nagpalanaog gikan sa ika 14 nga panalgan ang mga empleyado sang isa ma BPO Company sa Barangay Mandalagan sa Bacolod City matapos nga ila mabatyagan ang linog, pasado las 5 Biyernes sang aga.

Suno sa PHIVOLCS, yara sa Barotac Nuevo sa Iloilo ang sentro sang 4.3 magnitude nga linog, apang nabatyagan sa Bacolod City ang intensity 2 nga pagtay-og.

Intensity 3 naman ang nabatyagan sa La Carlota City samtang Intesity 4 sa Bago City. Yara sa 22 kilometers ang depth sang amo nga linog nga tectonic in nature.

Bangud sa amo nga insidente, gin-suspend sang Colegio San Agustin Bacolod ang face-to-face class sang ila Basic Education Department ukon Kinder to Grade 12, agud masiguro ang safety sang mga estudyante.

Samtang gin-anunsyo naman sang La Consolation College Bacolod nga safe kag wala sang damage ang ila mga buildings nga natuga ang linog. Padayon man sa gihapon ang mga aktibidad kag klase sa amo nga eskwelahan.

Wala man sang na report nga nasamaran sa Bacolod City bangud sa amo nga linog.

[sibwp_form id=1]
Secured By miniOrangeSecured By miniOrange