Magluwas kay Talisay City Mayor Neil Lizares, may 16 ka iban pa nga nagpositibo sa Covid -19 sa Talisay City Government Center.
Suno kay Mayor Lizares padayon sa karon ang contact tracing.
Si Councilor Ma. Isabel Lizares isa man sa mga nagpositibo sa virus suno sa alkalde.
Ginmando ang pagpatuman sang skeleton workforce subong nga adlaw kag Hwebes. Ipaidalom naman ang city hall sa lockdown sa biyernes para sa disinfection para mapasiguro ang safety sang publiko kag sang mga empleyado sang gobyerno.
Samtang, 35 naman ka katapo sang City Mayor’s Office sang kabankalan kag mga close contacts ni mayor pedro zayco ang gin-schedule sa swab test subong nga adlaw.
Suno sa PIO sang siudad nga si Jake Tugbang, bwas nga adlaw ginapaabot ang resulta sang swab test.
Suno kay City Administrator Higino Sixto Garaygay ang mga mag negatibo sa virus ang sarang na maka report balik sa ila nga trabaho.