Mag himata arestado bangud sang gina alegar pag kawat sang kable sang telecommunications company.
Nadakpan sa akto sang Police Station 7 sang dominggo ang apat ka mag himata nga naga utod kag naga pangawat sang cable wires sang isa ka telecommunications company sa Mansilingan Murcia Road sa Barangay Mansilingan sa Bacolod City.
Suno kay Police Captain Elmer Bonilla, hepe sang Police Station 7, sila ang gin timbrehan sang gwardiya sang telco matapos makita sa system nga may naga utod sang ila nga main cable wires sa amo nga lugar.
Gilayon ini gin respondehan sang kapulisan kag didto nadakpan si Joelo Valdez nga empleyado sang subcontractor sang isa man ka telco company kag ang iya sini tatlo ka mga himata nga iya upod sa gina alegar pag pangawat.
Nakuha sa ila ang 130 ka metros sang kable nga gin sulod sa service vehicle sang subcontractor nga amo man ang ila nga gin usar.
Posible ibaligya kun tani ni nila suno kay Bonilla.
Detained na karon ang mga suspek.