Naga depende sa gihapon sa pagsunod sa health protocol kag pagpabakuna ang ginalantaw sabat para mapanubo ang Covid -19 cases sa probinsya.
Ini suno kay Negros Occidental Governor Eugenio Jose Lacson nga nagsiling nga indi man makagarantiya ang pagpaidalom sa general community quarantine sang probinsya para magnubo ang active cases.
Sa June 29 nga report sang Provincial Incident Management Team 1,875 ang active cases. 114 ang naka recover kag isa ang patay.
Paathag ni Lacson kun ibase sa damlag pa executive order nga iya ginpa gwa, sa health protocol sa idalom sang GCQ nga maga sugod Hulyo 1 tubtob 30, ang ginkalain lamang amo ang pagdumili sang bulang sa sulod sang isa ka bulan.
Wala naga untat ang gobernador sa sulit sulit nga pahanumdom nga magsunod sa minimum health protocol. Kag ang pagpabakuna ilabi na sa mga naka schedule na, suno kay Lacson indi na dapat nga mag-isol pa.