Patay mag-utod matapos makuryente samtang nagakay-o sang wire sa canopy sang isa ka kalan-an sa Don Pedro Yulo Street, Barangay San Pedro sa banwa sang Binalbagan, Lunes sang hapon.
Gindeklarar nga dead on arrival sa Binalbagan Infirmary Clinic ang mga biktima nga sanday Dexter Grijaldo, 45 anyos kag magulang sini nga si Roilan Grijaldo, 48 anyos.
Base sa imbestigasyon sang Binalbagan Police, nagakay-o sang wire sa canopy si Dexter sang nauyatan sini ang poste sang canopy nga may open wire, rason nga nakuryente siya kag natumba.
Sang nakita ni Roilan nga nakuryente ang iya manghod, gilayon niya ini nga ginbuligan kag siya ang nakuryente man.