Patay ang 19 anyos nga drayber sang motorsiklo nga si John Lawrence Mesobre pati na ang iya naga-angkas nga manghud nga si Joven Desoyo, 17 anyos sang mag-suhot sila sa naga pondo nga truck sa highway sang barangay cubay siudad sang La Carlota kagab-i.
Nasamaran man ang abyan nila nga si Dan Fred Locsin nga naga-angkas sa motorsiklo.
Suno kay police Lt. Col. Lowell Garinganao, nagub-an ang truck nga ginamaneho ni Jonnel Bayarcal kabangdanan nga iya ini ginpahigad agud mausisa.
May ginpahamtang man siya nga warning device. Apang bangud madasig ang pagpadalagan sang motorsiklo ni mesobre wala niya na malikawan pa ang truck.
Halin sila sa Barangay La Granja kag padulong kuntani sa city proper sang matabo ang insidente.
Kaina ginhilway naman sang PNP ang drayber sang truck makaligad ang pag-areglohanay upod sa nalisdan nga pamilya.