Kaso nga murder kag attempted murder ang ginpasaka na sang Bago PNP batuk sa magtiyo nga Jonas Luhan kag iya hinablos nga si Jon Flores nga amo ang responsable sa pagpaniro sa kay Efraim Alinsoring sa Barangay Ma-ao.
Si Flores nga padayon nga gina bulong sa ospital matapos matiruhan sang isa ka soldado ang naka hospital arrest. Si Luhan naman ang detained sa Bago PNP.
Away sa parkingan ang ginhalinan sang inaway sang Lunes kun sa diin ginsipa ni Luhan ang utod sang biktima, sang nag awat kag nag balos ang magulang nga si Alinsoring gintiro siya sang suspek.
Tigayon nga nadakpan ang mga suspek sa hot pursuit operation.
Suno sa PNP, may pending nga frustrated murder nga kaso si Luhan. Na bilanggo naman siya sadto sa kaso nga murder.