Patay ang mag live in partner nga lunsay mga senior citizen matapos nga gin paarakan tiro sang mga armado ang ila sini balay sa Barangay San Isidro sa Toboso sang Sabado.
Ang biktima amo sanday Leonardo Lagada, 60 anyos, kag Miguela Hedorio, 65 anyos. Suno kay Major Jun Ray Batadlan, hepe sang Toboso PNP, yara lang sa sulod sang ila balay ang duha ka biktima sang hinali mag abot ang apat ka mga armado kag ila gina pa pagwa si Lagada.
Wala mag gwa si Lagada kag nang lock pa, amo nga gin paarakan tiro sang mga armado ang ila balay.
Pareho nga dead on the spot ang mag live in partner. Padayon pa karon nga gina hibalo sang PNP ang motibo sa pag paniro.