Nag sungka kahapon sa Bacolod City Police Office ang mag live in partner nga gina alegar katapo sang Armados Sumayang Jr Command sang New Peoples Army.
Ang nag surrender amo sanda Alyas Taltal nga lider sang SDG Platoon 2 kag iya live in partner nga si Alyas Karil nga naga serve naman nga platoon medic.
Sila ang nag sungka sa BCPO paagi man sa programa nga Project Table for Peace nga kabahin sang ELCAC program sang gobyerno.
Gin pahayag sang duha nga sila ang nag desisyon mag balik sa sabak sang gobyerno matapos ang 8 ka tuig bangud sa gusto nila mangabuhi sang normal upod ang ila pamilya kag mga kabataan.
Sila ang nag surrender sa BCPO sa bulig man sang grupo nga Task Force Kasanag kun sa diin myembro ang amay sang isa ka nag surrender.
Wala man maglaum ang pamuno sang BCPO nga si Col Thomas Joseph Martir nga mag sungka mismo sa Bacolod ang duha ka anay rebelde bangud sa white area man ang siyudad suno sa iya.
Apang gin dugang ni Martir nga iya gin kalipay ang pag sungka sang duha kag pag salig sa BCPO kag iya man gin panugyan ang pag haylo pa sang mga nag surrender sa ila mga kaupdanan nga mag balik na sa sabak sang gobyerno.