Gin aresto ang maglive-in partner nga sanday alias Josephine, 32-anyos kag alyas Michael, 30-anyos matapos nga madakpan sang kapulisan bangud sang pag pang holdap sa Brgy. 36 sa Bacolod sang kagab-i.
Sa record sang Police Station 1, ang biktima ginkilala sa kay alyas Ash, 18-anyos naga panglakaton lang siya sang gintayaan sang pusil.
Nagdeklarar ang mga suspek sang hold-up kag nakuha nila ang bag sang biktima nga may unod nga masobra sa 2,000 pesos nga cash kag cellphone.
Nakita sang isa ka delivery rider ang natabo kag nangayo sang bulig sa mga pulis.
Naka responde ang mga pulis gilayon kag wala na makapalagyo ang mga suspek kay nawad-an sang gasolina ang ila nga motor.
Nabalik sa biktima ang iya pagkabutang samtang detained ang mag-live-in partner kag kasuhan sang robbery kag violation sang Comelec Gun Ban.