Patay ang mag live-in partner matapos nga mag bun-anay.
Saksi ang anum ka tuig nga bata sa pagbun-anay sang iya iloy kag live-in partner sini sa ila puluy-an sa Barangay Tabugon, Kabankalan City, Miyerkules sang hapon.
Buno kag labo sa nagkalain-lain nga parte sang lawas ang gin agum sang 26 anyos nga babaye, samtang may buno naman sa li-og kag lawas ang 30 anyos nga live-in niya.
Ginsiling ni P/Lt. Col. Roberto Indiape, Jr., hepe sang Kabankalan PNP, indi pag-intiendihanay ang gintunaan sang pagbaisay sang mag-live in partner, nga naga-upod sang tatlo na ka tuig.
Suno sa iya, wala nagsugot ang lalaki nga maglakat balik sa Bacolod ang babaye agud mag-obra bilang kabulig sa balay.
Nagresulta ini sa mainit nga sinabtanay kag pagbuno sang lalaki sa iya live-in partner kag nagbalos man ini.