Mag-iloy patay sa nagluntad nga pagpaniro sa Barangay Dian-ay sa Escalante City.
Patay ang iloy nga si Estelita Lobaton, 81 anyos kag iya sini nga anak nga si Virgilio matapos ginpangtiro sang wala pa makilal-an nga gunman sa Sitio Lower Lauyan sa Brgy. Dian-ay, Escalante City sang sabado sang gab-i.
Naga gwa sa pagpang-usisa sang Escalante City Police nga gikan sa ilimnan ang mga biktima kag sang papauli na sang ginpangtiro sang wala makilal-an nga persona sa madulom nga bahin sang katubuhan.
Pilas sa tiyan tuga sang igo sang bala sang pusil ang gin-agom ni Estelita kag nag-angkon naman sang mga pilas sa nagkalain-lain nga bahin sang lawas si Virgilio resulta sang ila kamatayon.
Ginsiling ni NOCPPO Director Police Colonel Rainerio De Chavez nga may natumod na nga persons of interest sa krimen.
Pero nagapadayon ang ila pagpang-usisa sa posible motibo sang nakapalagyo nga gunmen.
Gindugang ni De Chavez nga ang biktima nga si Virgilio ang naka-agi na anay bilanggo.
Nakuha sa crime scene ang pila ka mga slug kag bala sang wala pa mapat-ud nga calibre sang pusil.